Ана холос! Салах АПЛнинг навбатдаги турида "Ливерпул"га ёрдам беролмаслиги мумкин

“Ливерпуль” клуби бош мураббийи Юрген Клопп кеча бўлиб ўтган “Лестер”га (2:1) қарши АПЛнинг 21-туридан сўнг жамоа тўпурари Муҳаммад Салах оёғида оғриқ ҳис қилгани ҳақида айтиб ўтди. Германиялик мутахассиснинг сўзларига кўра мисрлик футболчи 1 январь куни бўлиб ўтадиган “Бёрнли”га қарши баҳсдан олдин тиббий текширувдан ўтказилади.

“Мен Салахга нима бўлганини аниқ билмайман, лекин, у майдонни тарк этаётганида оғриқ ҳис қилаётган эди. Очиғини айтсам, бу яхши белги эмас. Муаммо нимада эканлигини аниқлаш керак. Кўрамиз, у кейинги баҳсда иштирок эта оладими ёки йўқ”, - дейди Клопп.

Маълумот учун, Салах премьер-лиганинг жорий мавсумида 21та учрашувда иштирок этиб, рақиблари дарвозасига 17та гол киритишга эришган.

Фикрлар

Фикр қолдириш учун авторизациядан ўтинг!