Англия терма жамоаси устози Гвардиолага ёрдам берди

Июнь ойида Англия терма жамоаси 2024 йилги Европа чемпионати саралашида иккита ўйин ўтказади.

Дастлаб, 16 санада Мальтага қарши, уч кундан кейин эса Шимолий Македония билан беллашади. Англия терма жамоаси бош мураббийи Гарет Саутгейт "Манчестер Сити"нинг инглиз футболчиларини мальталиклар билан ўйинга чақирмасликка қарор қилди.

Гап шундаки, бунгача клуб 10 июнь куни “Интер” билан Чемпионлар лигаси финалини ўтказиши керак бўлади. Саутгейт эса Кайл Уокер, Жон Стоунз, Жек Греалиш ва Калвин Филлипсга қўшимча дам беришга қарор қилди.

Аммо улар 19 июн куни Шимолий Македонияга қарши ўйинга чақирилади.