APLning dekabr oyidagi eng yaxshi murabbiyi kim bo‘ladi?
Angliya Premer-ligasida ortda qolgan dekabr oyi yakuniga ko‘ra eng yaxshi murabbiy sovrini uchun kurashayotgan nomzodlar e’lon qilindi.
Ro‘yxatga kiritilgan:
Unai Emeri (“Aston Villa”) – 4 ta g‘alaba (shu jumladan “Manchester Siti” va “Arsenal” ustidan), 2 ta durang va 1 ta mag‘lubiyat. To‘plar farqi – +3.
Andoni Iraola (“Bornmut”) – 4 ta g‘alaba (shu jumladan o‘z tarixida ilk bor “Manchester Yunayted” ustidan “Old Trafford”da 3:0 hisobida g‘alaba), 1 ta durang va 1 ta mag‘lubiyat. To‘plar nisbati – +7.
Yurgen Klopp (“Liverpul”) – 4 ta g‘alaba va 2 ta durang. To‘plar nisbati – +6.
Devid Moyes (“Vest Xem”) – 4 ta g‘alaba (shu jumladan “Tottenxem”, “Manchester Yunayted” va “Arsenal” ustidan), 1 ta durang va 1 ta mag‘lubiyat. To‘plar nisbati – +3.
Eslatib o‘tamiz, avgust, sentyabr va oktyabr oylarida APLning eng yaxshi murabbiyi Enj Postekoglu (“Tottenxem”) bo‘lgan edi. Noyabr oyida esa ushbu sovrin Erik ten Xagga (“Manchester Yunayted”) nasib etgan.
Fikrlar