"Арсенал" Обамеянг учун 60 миллион евродан воз кечишга тайёр

Дортмунднинг “Боруссия” клуби ҳужумчиси Пьер-Эмерик Обамейянг фаолиятини Англияда давом эттириши мумкин.

Берилган маълумотларга қараганда 28 ёшли габонлик футболчига Лондоннинг “Арсенал” клуби жиддий қизиқиш билдиришмоқда. Sky Sports тарқатган хабарга қараганда “канонирлар” Обамеянг учун дортмундликларга 60 млн евро тўлашга тайёр. Габон терма жамоаси аъзоси “Арсенал”дан кетиши аниқ бўлиб улгурган ва Манчестер шаҳри клублари қизиқишларига сабаб бўлаётган ҳужумчи Алексис Санчеснинг ўрнини эгаллаши мумкин.

Эслатиб ўтиш лозимки, Обамеянг бундан аввалроқ хитойликларнинг супер таклифини рад этган эди.

Маълумот учун, у жорий мавсум Бундеслиганинг жами 15та учрашувида майдонга тушиб, ўз ҳисобига 13та гол ҳамда 3та голли узатма ёздириб қўйишга эришган.