“ATP Brisbane International – 2018” финал йўлланмаси учун баҳслар бошланди

Австралияда “ATP Brisbane International – 2018” турнирида бугун ярим финал баҳслари ўтказилади.

Мусобақанинг чорак финалида болгариялик Григор Димитров британиялик Кайл Эдмундни уч сетда мағлубиятга учратган бўлса, мезбон теннисчи Ник Киргиос украиналик Александр Долгополовни 1:6, 6:3, 6:4 ҳисобида таслим қилди. Шунингдек, Алекс де Минаур (Австралия) ҳамда Райан Харрисон (АҚШ) ушбу босқичда зафар қучди.

Энди финал йўлланмаси учун бўлиб ўтадиган баҳсларда Григор Димитров ва Ник Киргиос, Алекс де Минаур ва Райан Харрисон ўртасида учрашув ўтказилади.

Sports.uz