Bahodir Jalolov finalda yana bir bor Qamshibek Ko‘nkaboevga imkoniyat qoldirmadi va Osiyo o‘yinlari g‘olibiga aylandi!
Xanchjouda davom etayotgan Osiyo o‘yinlarining boks bahslari finaliga yo‘l olgan uchinchi vakilimiz Bahodir Jalolovning jangi ham o‘z yakuniga etdi.
U final jangida eski tanishi qozog‘istonlik Qamshibek Ko‘nkaboevga qarshi ringga ko‘tarildi. Ha, printsipial raqibga qarshi yurtdoshimiz doimgidek ishonchli harakat qildi. Butun jang mobaynida katta ustunlikka erishgan yurtdoshimiz yakunda 4:0 hisobida g‘alaba qozondi va Osiyo o‘yinlari g‘olibiga aylandi.
Bizda navbatdagi oltin medal do‘stlar!
Fikrlar