Богдан Гуськов UFC рейтингида ТОП 15 таликдан ўрин олди

Маълумки, 28 апрель куни UFC Fight Night турнирида юртдошимиз Богдан Гуськов ярим оғир вазн (93 кг) тоифасида ТОП 15 таликдан ўрин олган, янада аниқроқ қилиб айтсак, ўша жангга қадар 11-поғонада қайд этилган Райан Спеннга қарши жанг қилди, Қувонарлиси, ҳамюртимиз жангнинг 2-раундида рақибини нокаут билан мағлуб этганди.
Ушбу ғалаба Богдан Гуськовга ТОП 15 таликка кириши учун етарли бўлди. Яъни, юртдошимиз янгиланган рейтингда 12-ўринда қайд этилди. Мағлуб бўлган Спенн эса 15-поғонага тушиб кетди.
Шу тариқа Гуськов UFCнинг ТОП 15 рейтингидан ўрин олган илк ўзбекистонлик жангчига айланди.