"Боруссия"да Обамеянгнинг ўрнини эгаллаши мумкин бўлган футболчи топилди
Дортмунднинг “Боруссия” клуби “Челси” ҳужумчиси Миши Батшуайининг хизматларига жиддий қизиқиш билдирмоқда. Бу ҳақда Bild нашри хабар тарқатмоқда.
Юқоридаги манбаанинг ёзишича бельгиялик футболчи дортмундликлар сафида “Арсенал”га кетиши кутилаётган Пьер-Эмерик Обамеянгнинг ўрнини эгаллаши мумкин.
Шунингдек, Испаниянинг “Севилья” клуби ҳам Батшуайини сотиб олиш учун даъвогарлик қилмоқда.
Маълумот учун, Бельгия терма жамоаси аъзоси жорий мавсум АПЛда жами 11та учрашувда майдонга тушган ва рақиблари дарвозасига 2та тўп киритишга эришган.
Фикрлар