Чичарито фаолиятини Туркия чемпионатида давом эттириши мумкин

Лондоннинг "Вест Хэм" клуби ҳужумчиси Хавьер Эрнандес фаолиятини Туркия Суперлигасида давом эттириши мумкин.

Берилган маълумотларга қараганда “Бешиктош” клуби 29 ёшли мексикалик футболчи учун “болғачилар”га 8,5 млн евро таклиф қилмоқда. Турк клуби Чичаритони яқиндагина “Эвертон”га сотиб юборган Женк Тосуннинг ўрнига муносиб футболчи сифатида кўрмоқда.

Маълумот учун, Чичарито жорий мавсум АПЛнинг жами 21та баҳсида иштирок этиб, ўз ҳисобига 4та гол ёздириб қўйишга эришган.