Де Врей "Барселона"дан таклиф кутмоқда

Римнинг “Лацио” клуби ҳимоячиси Стефан де Врей ўз келажаги борасида хали бир қарога келмади. 25 ёшли футболчининг “бургутлар” билан шартномаси ёзда ниҳоясига етади ва ҳанузгача янги шартнома имзолангани йўқ.

Илгарироқ, унга “Интер” қизиқиш билдираётгани ҳақида хабарлар тарқалган эди. Бироқ Football Italia хабарига кўра, голландиялик футболчи “Барселона”дан таклиф бўлишини кутмоқда.

“Кўк-анор ранглилар” “Лацио” билан музокарага киришишни исташмаган эди. Бироқ энди каталонияликлар бевосита де Врейнинг ўзи билан музокара ўтказишлари мумкин.

Қайд этиш жоиз, “Барселона” де Врейнинг агенти билан яхши алоқадалар. Боиси, мазкур агентнинг яна бир мижози Томас Вермален айнан “Барселона”да ўйнайди.