Де Врей "Интер"га ўтиши мумкин

Римнинг “Лацио” клуби ҳимоячиси Стефан Де Врей “Интер”га кўчиб ўтиши мумкин.

Gazzetta dello Sport нашри тарқатган хабарга кўра голландиялик футболчи борасида “нерадзуррилар”нинг таклифи тайёр, фақат энди жамоа акционери ҳисобланган Suning Group компаниясининг розилиги керак.

Айтиш лозимки, Де Врейнинг римликлар билан амалдаги шартномаси жорий мавсум сўнггида ўз ниҳоясига етади. Бироқ, “Лацио” ўзининг тажрибали футболчисини осонликча қўйиб юбормоқчи эмас ва унга йилига 2,5 млн евро маошли янги шартнома таклиф қилишмоқчи. Агар футболчи ушбу келишувни узайтирса, унинг товон пули таҳминан 27-28 млн еврони ташкил этиши мумкин.

Эслатиб ўтамиз, “Интер” ушбу футболчи борасида деярли бир йилдан буён “Ювентус” билан рақобатлашган эди.