Дзюдо. Терма жамоамизнинг Абу-Даби "Катта дубулға" турнирида иштирок этадиган таркиби эълон қилинди

24-26 октябр кунлари БААнинг Абу-Даби шаҳрида дзюдо бўйича навбатдаги “Катта дубулға” турнири бўлиб ўтади. Жаҳон ва Париж-2024 Олимпиадаси рейтинги учун 1000 очко тақдим қиладиган мазкур мусобақада 79 мамлакатдан 400 нафардан зиёд спортчи баҳс олиб бориши кутилмоқда.

Унда Ўзбекистон терма жамоаси ҳам иштирок этади. Мураббийлар штаби Ханчжоу-2022 Осиё ўйинларидан сўнг кўплаб етакчиларга дам бергани боис терма жамоамиз БАА турнирида деярли иккинчи таркиб билан қатнашади.