Фарғонада “Келажагимиз умидлари” фестивали бошланди

ЎФФ томонидан ташкил этилган “Келажагимиз умидлари” футбол фестивали бугунги кунда барча вилоятларимизни секин-аста ўз қамровига олмоқда. Андижонда старт олган фестивал ҳавоси 20 январь куни Фарғонага ҳам етиб келди.

Фарғона Олимпия заҳиралари коллежи мезбонлик қилаётган фестивал 4 кун давом этиши режа қилинган. Унда 7 ёшдан 10 ёшгача бўлган болалар ўз имкониятларини ишга солишади. Бугун ўрта таълим мактаб жамоалари ўртасида бошланган “Келажагимиз умидлари” фестивалининг очилиш маросими бўлиб ўтди. Бу ҳақда "Нефтчи" матбуот хизмати хабар бермоқда.

Хабарда айтилишича, очилиш тадбирида сўзга чиққан Фарғона футбол федерация биринчи вице-президенти Тоҳир Кападзе ёш футболчиларга омад тилади. 7 ёшли футболчилар иштирокидаги баҳсларда 10 та жамоа ғолиблик учун кураш олиб боришди.