Фозил Мусаевнинг жамоасида ишлар яхши эмас
Бугун Япония J лигасида 2-тур ўйинлари давом эттирилди. Ҳамюртимиз Фозил Мусаев фаолият олиб борадиган “Жубило Ивата” жамоаси ўз сафарда “Нагоя Грампус”га қарши баҳс олиб борди.
Мазкур ўйинда мезбонлар 1:0 ҳисобида ғалаба қозонишди. Учрашувдаги ягона голга бразилиялик Габриэль Хавьер муаллифлик қилди.
Мусаев бугунги ўйинни асосий таркибда бошлади ва 66-дақиқада заҳирага олинди.
Қайд этиш жоиз, “Жубило Ивата” 1-турда “Кавасаки Фронтале”га 0:3 ҳисобида имкониятни бой берган эди ва улар ҳозирда турнир жадвалининг энг қуйи қисмини эгаллаб туришибди.
Япония J лигаси. 2-тур
“Нагоя Грампус” – “Жубило Ивата” 1:0
Гол: Габриэль Хавьер (8).
Фикрлар