"Гуанчжоу Эвергранд" Наингголанни "Рома"дан ижарага олиши мумкин

Римнинг “Рома” клуби ярим ҳимоячиси Ража Наингголан фаолиятини Хитойда давом эттириши мумкин.

La Gazzetta dello Sport нашри тарқатган хабарга қараганда белгиялик футболчи “Гуанчжоу Эвергранд” клубига йўл олиши мумкин. Маълум бўлишича Хитой клуби бош мураббийи Фабио Каннаваро Наингголаннинг трансфери масаласида “Рома”даги ҳамкасби Ди Франческо билан маслахатлашган. Асосийси, футболчининг ўзи ҳам Хитойга кетишга қарши эмас.

Маълумотларга кўра Гуанчжоуликлар Наингголанни ярим йилга кейинчалик 50 млн евро сотиб олиш ҳуқуқи билан ижара олишмоқчи. Футболчининг маоши эса бонуслар билан бирга 12 млн еврони ташкил этади.