"Гуанчжоу Эвергранд" Обамеянгга йилига 30 млн евро маош таклиф қилмоқда

Дортмунднинг “Боруссия” клуби ҳужумчиси Пьер-Эмерик Обамеянг фаолиятини Хитойда давом эттириши мумкин.

Sina Sports нашри тарқатган хабарга қараганда мамлакатнинг амалдаги чемпиони ҳисобланган “Гуанжоу Эвергранд” клуби габонлик футболчи учун 72 млн евродан воз кечишга тайёр. Улар Обамеянгнинг ўзига эса йиллик 30 млн евро маош таклиф қилишмоқда. Аниқроғи, футболчи ушланадиган солиқлардан ташқари соф 18 млн евро маош олиши мумкин.

Айтиш мумкинки, Обамеянг учун сарфланадиган барча харажатлар ва тўланадиган солиқларни ҳисобга олганда ушбу футболчи “Гуанжоу Эвергранд”га умумий ҳисобда 258 млн еврога тушиши мумкин.

Эслатиб ўтамиз, “Гуанжоу Эвергранд”нинг Осиё чемпионлар лигасидаги "Бурирам Юнайтед"га қарши илк баҳсини ўзбекистонлик Равшан Эрматов бошчилигидаги ҳакамлар бригадаси бошқариб боради.