Игорь Елич АГМК (Олмалиқ)ни тарк этди

2017 йилги мавсумда “Олмалиқ” сафида энг кўп ўйинда майдонга тушган сербиялик Игорь Йелич жамоани тарк этди. Бу ҳақда клуб матбуот хизмати хабар бермоқда.

Аввалроқ хабар берганимиздек, Игорь жамоанинг Анталиядаги ўқув-машғулот йиғинида иштирок этиши кўзда тутилганди. Томонлар келишувига кўра Йелич билан шартнома узайтирилмайдиган бўлди. Болқонлик футболчи фаолиятини юртимизда амалдаги чемпион "Локомотив" сафида ўтказиши мумкин.

Жамоа раҳбарияти ва мураббийлари Йеличга "Олмалиқ" таркибидаги фаолияти учун миннатдорчилик билдиради ва унинг кейинги фаолиятига омад тилайди.