Кассано футболга қайтишга тайёр

Италия терма жамоаси собиқ футболчиси Антонио Кассано яна катта футболга қайтиши мумкин. Бироқ ҳозирча у жамоалардан яхшироқ таклиф тушишини кутмоқда.

Собиқ ҳужумчи 2017 йилнинг ёзида фаолиятини якунлаганини маълум қилган эди.

– Мен ҳали ҳам футболчиман, собиқ футболчи эмас. Агар яхшироқ шартнома таклиф қилишса, мен майдонга қайтишга тайёрман. Бутун фаолиятим давомида жиддий жароҳат олмаганман. Ҳозир вазним “Сампдория”даги вақтимдагидек 85 кг. Ўйинга тайёрман, – дея Кассанонинг сўзларини келтиради Football Italia нашри.