Каземиро — 30 ёшдан кейин трансфер қилинган энг қиммат иккинчи футболчи (топ-5)

Ярим ҳимоячи Каземиронинг "Реал"дан "Манчестер Юнайтед"га ўтиши бразилияликни 30 ва ундан катта ёшдаги футболчилар орасида иккинчи энг қиммат трансферга айлантиради.

Британияликлар 30 ёшли Каземиро учун 60 миллион фунт тўлайди ва яна 10 миллиони бонус сифатида тақдим этиши кутилмоқда. “Sky Sports” нашри хабарига кўра, бу ёшда фақат битта футболчи қимматроққа трансфер қилинган - Криштиану Роналду. Португалиялик футболчи 2018 йилда “Реал”дан “Ювентус”га жами 105 миллион фунт стерлинг эвазига ўтган эди.

Учинчи ўринларни ярим ҳимоячи Миралем Пьянич (“Ювентус”дан “Барселона”га 59,4 миллион фунт), тўртинчи ўринни ҳужумчи Роберт Левандовски (“Бавария”дан “Барселона”га, 42,5 миллион фунт) ва бешинчи ўринни ҳимоячи Леонардо Бонуччи (“Ювентус”дан “Милан”га, 35,1 миллион фунт) банд этган.