Кейн "Тоттенхэм"нинг АПЛдаги энг яхши тўпурарига айланиб олди
Лондоннинг “Тоттенхэм” клуби ҳужумчиси Харри Кейн кеча Англия премьер-лигасининг 23-турида “Эвертон”га (4:0) қарши бўлиб ўтган баҳсда ўз ҳисобига дубль ёздириб қўйишга эришди.
Клуб матбуот хизматининг хабар беришича ушбу икки голдан сўнг 24 ёшли ҳужумчи ўзининг “шпорлар” таркибида АПЛда киритган голлари сонини 98тага етказиб олди ва бу кўрсатгич борасида Тедди Шерингемдан ўзиб кетди. Энди Кейн “Тоттенхэм”нинг Англия премьер-лигаси тарихидаги энг яхши тўпурарига айланиб олди.
Маълумот учун, жорий мавсум чемпионатнинг 22та учрашувида иштирок этган Кейн ҳисобида ҳозирча 20та гол мавжуд ва у айни дамда АПЛ тўпурарлари рўйхатини ҳам бошқариб бормоқда.
Фикрлар