Koke ham Saudiya klublari radariga tushdi
Saudiya klublari keyingi transfer oynalarida ham Evropa top-5 chempionatlaridan yoppasiga yulduzlarni jalb qilishni davom ettirmoqchi. "TodoFichajes" nashrining xabar berishicha, Madridning "Atletiko" klubi sardori Koke Saudiya Arabistoni vakillarining radarida.
Kokening "matraschilar" bilan amaldagi shartnomasi mavsum oxirigacha amal qiladi. U butun faoliyatini Madrid klubida o‘tkazdi.
Nufuzli Transfermarkt portali mutaxassislari 31 yoshli ispaniyalikni 16 million evroga baholamoqda.
"Atletiko" ayni damda Ispaniya chempionati turnir jadvalida to‘rtinchi o‘rinda bormoqda.
Fikrlar