Конте: “Челси”га 3 очко керак, аммо ғалаба учун гол уриш лозим

“Челси” жамоаси бош мураббийи Антонио Конте “Брайтон”га қарши Англия чемпионати 24-тури олдидан ўз фикрларини билдирди.

“Албатта, биз ҳар бир ўйинда 3 очко ишлаб олишни истаймиз. Сўнгги баҳсларда кўп дуранг натижа қайд этдик, аммо бир томондан 11 ўйиндан буён мағлуб бўлмадик. Жамоага 3 очко керак, аммо ғалаба учун гол уриш лозим.

Охирги пайтларда омад биз томондан юз ўгирди, лекин яратилган вазиятлардан ўзимиз ҳам унумли фойдаланмаганимизни айтиш даркор. Вазиятни ўнглашга ҳаракат қиламиз”, – деди италиялик мутахассис.