Ковалев ўзбек мураббийи қўл остида навбатдаги жангини март ойида ўтказади

  • 20 декабрь, 2017, 19:32
  • 0
  • Бокс

79,38 кг вазн тоифасида WBO версияси бўйича жаҳон чемпиони россиялик Сергей Ковалев ўзининг навбатдаги жангини ҳамюрти Игорь Михалкинга қарши ўтказади, дея хабар беради ESPN нашри.

Жанг 4 март куни Нью-Йоркда ташкил қилиниши режалаштирилган. Ҳозирда томонлар жанг борасида келишувга эришишга яқин турибди.

Эслатиб ўтамиз, Ковалев ўзбек мураббийи Аброр Турсунпўлатов қўл остида илк жангини ноябр ойида украиналик Вячеслав Шабранскийга қарши ўтказиб, иккинчи раундда техник нокаут қайд этган ҳамда WBO камарини қўлга киритган эди.

Михалкин эса 2 декабр куни франциялик Дуду Нгумбуни ҳакамларнинг бир овоздан берган қарорига кўра, IBO титулини ҳимоя қилган.

Фикрлар

Фикр қолдириш учун авторизациядан ўтинг!