"Ливерпуль" "Лацио" футболчисига қизиқиш билдирмоқда

Римнинг “Лацио” клуби ҳимоячиси Стефан де Врей қишки трансфер бозори вақтида Туманли Албионга кўчиб ўтиши мумкин. Mirror нашри тарқатган хабарга кўра, унинг хизматларига “Ливерпуль” қизиқиш билдирмоқда.

Илгарироқ, де Врей “бургутлар” билан шартномасини узайтирмаслигини маълум қилган эди. Унинг римликлар билан амалдаги шартномаси эса 2018 йилнинг ёзида ўз ниҳоясига етади.

Агарда, “Лацио” раҳбарлари яхши таклиф бўлса, уни январда сотиб юборишга қарши эмаслар. Римликлар уни 25-30 млн еврога баҳолашган.

Футболчининг агенти эса ушбу суммани 15-20 млнга қадар туширмоқчи. Хабарда айтилишича, унинг хизматларига “Барселона” ҳам қизиқиш билдирмоқда.