Льорис: Меҳмонда киритилган 2та гол жавоб баҳсида "Тоттенхэм"га устунлик тақдим этади

Лондоннинг "Тоттенхэм" клуби дарвозабони Уго Льорис кеча "Ювентус"га (2:2) қарши ЕЧЛнинг 1/8 финал дастабки баҳсидан сўнг ўз фикрларини билдириб ўтди.

“Биз “Ювентус”га ҳурмат билан муомалада бўламиз. Бу Европанинг энг кучли жамоаларидан бири. Туринликлар Чемпионлар лигасининг сўнгги 3та мавсумидан 2тасида финалга қадар етиб боришган.

Улар қандай кучга эга эканликларини биз билан бўлган ўйинда кўрсатиб қўйишди. Бизнинг меҳмонда киритган икки голимиз жавоб баҳсида устунлик берди”, - дейди франциялик посбон Goal нашрига берган интервьюсида.

Эслатиб ўтамиз, ушбу жамоалар ўртасидаги жавоб учрашуви 7 март куни Лондондаги “Уэмбли” стадионида бўлиб ўтади.