Manjukich yozda MYu ga o‘tmaganidan afsuslanmoqda

Turinning “Yuventus” klubi forvardi Mario Manjukich jamoadagi holatidan norozi va u qishda jamoasini o‘zgartirmoqchi.

Corriere dello Sport nashrining xabar berishicha 33 yoshli xorvatiyalik futbolchi mavsumlar oralig‘ida “Manchester Yunayted”ning taklifini rad etganidan afsuslanmoqda.

So‘nggi ma’lumotlarga ko‘ra “qizil iblislar” Manjukichning vaziyatidan kelib chiqib u bilan qishki transferlar davrida ham aloqaga chiqishmoqchi.

Eslatib o‘tamiz, bundan avvalroq “Yuventus” Manjukichni 10 mln evro evaziga sotib yuborishga tayyor ekanligi haqida xabarlar tarqalgan edi.