Марат Бикмаев “Локомотив”нинг 2017 йилдаги энг яхши футболчиси деб топилди (фото)

Тошкентнинг “Локомотив” клуби 2017 йилни ажойиб натижалар билан якунлади. “Темирйўлчилар” ҳам чемпионат, ҳам кубок баҳсларида ғолибликни қўлга киритишга эришдилар.

Клубнинг ижтимоий тармоқдаги саҳифасида эса жамоанинг 2017 йилдаги энг яхши футболчисини аниқлаш мақсадида сўровнома ўтказди. Бугун мазкур сўровнома ўз ниҳоясига етди.

2017 йил Ўзбекистоннинг энг яхши футболчиси деб топилган Марат Бикмаевни мухлислар “Локомотив”нинг 2017 йилдаги энг яхши футболчиси деб топишди.

Фото: "Локомотив"

Клуб расмий сайтида ёзилишича, бу борада иккинчи поғона Игнатий Нестеровга, 3-ўрин эса Жалолиддин Машариповга насиб этди.