Мбаппе "Реал" билан маош борасида келишиб олди

Ёзги трансферлар ойнасининг энг катта воқеликларидан бири бу Килиан Мбаппенинг "Реал"га ўтишидир. Анча йиллардан кейин франциялик ҳужумчи Мадрид томон йўл олмоқда. 

Инсайдер Фабрицио Романо хабар беришича, томонлар маош борасида келишиб олишди. Килиан Винисиус Жуниор ва Жуд Беллингемдан кўпроқ ойлик олмайдиган бўлди. Шунингдек, бу мадридликларнинг 2021 йилдаги таклифидан ҳам камроқ.

Тез орада ПСЖ ҳам Мбаппени жамоани ёзда тарк этишини эълон қилиши мумкин. Айни пайтда эса бор эътибор Чемпионлар лигаси чорак финалидан ўрин олган "Барселона"га қарши тўқнашувга қаратилган.