Мессининг 3-ўғли дунёга келди, шу сабаб у бугун "Малага"га қарши ўйнамайди

Каталониянинг “Барселона” клуби форварди Лионель Месси бугун Ла Лиганинг 28-турида “Малага”га қарши учрашувда иштирок эта олмайди.

Клуб расмий сайтининг хабар беришича 30 ёшли аргентиналик футболчи шахсий сабабларга кўра бугунги учрашув қайдномасига киритилмаган.

Бир қатор испан нашрларининг хабар беришича Мессининг турмуш ўртоғи Антонелла кеча оқшом 3-ўғил фарзандини дунёга келтирган. Унга Чиро деб исм қўйишган.

Маълумот учун, "Малага" - "Барселона" учрашуви бугун Тошкент вақти билан соат 00:45да бошланади.