Messining ketgani yaxshi bo‘ldi

Frantsiyalik futbol eksperti Jyulen Loran o‘tgan yoz PSJ tarkibida bo‘lgan o‘zgarishlar jamoa uchun foydali bo‘lganini ta’kidladi.

- Jamoada xudbinlik kamaygani evaziga, muammolar ham ozaydi. Endi Lionel Messi yo‘q, Neymar va Marko Verratti ham yo‘q.

Hozir jamoa ichida hamma bir biri bilan til topishyapti, hazil-huzul, latifalar bo‘lyapti. Ilgari PSJda guruhbozlik bor edi, hozir bunaqasi ko‘zga tashlanmayapti, - dedi Jyulen Loran.

Ma’lumki, yaqingacha Parij klubida janubiy amerikalik futbolchilarning ta’siri kuchli bo‘lgan. Jamoa etakchisi hisoblangan Kilian Mbappe ham klub rahbariyatidan bir necha bor bu vaziyatga e’tibor qaratishni so‘ragan edi.