Модрич Шукерга тенглашиб олди

Мадриднинг “Реал” клуби ярим ҳимоячиси Лука Модрич фаолияти давомида олтинчи марта Хорватиянинг энг яхши футболчиси деб топилди.

Эътиборлиси, у бу борада хорватиялик афсонавий футболчи Давор Шукерга тенглашиб олди.

Айтиш лозимки, 32 ёшли Модрич якунига етган 2017 йилда Хорватия терма жамоасини мундиалга чиқишига катта ҳисса қўшди. У шунингдек “Реал” сафида Испания чемпиони, Испания Суперкубоги, УЕФА Чемпионлар лигаси, УЕФА Суперкубоги ҳамда клублар ўртасидиги жаҳон чемпионатида ғолибликни қўлга киритди.