Моуринью: Мавсум якунлангач Кэррикни мураббийлар штабида кутаман
“Манчестер Юнайтед” клуби бош мураббийи Жозе Моуринью сўнгги пайтларда юрак билан боғлиқ муаммоларга дуч келаётган Майкл Кэррикни жорий мавсум якунлангач футболчилик фаолиятини якунлашини тасдиқлади. У шундан сўнг Кэррикни МЮ мураббийлар штабида кутишини айтди.
“Ўйлайманки ўтган ҳафтада содир бўлган ҳолатдан сўнг Кэррикнинг мавсум якунлангач футболчилик фаолиятини якунлаши ўзи учун ҳам, қолаверса, жамоа учун ҳам энг тўғри қарор бўлади. Агар у мавсум якунлангач жамоанинг мураббийлар штабига қўшилса, биз барчамиз бундан хурсанд бўламиз”, - дейди Моуринью.
Маълумот учун, 36 ёшли Кэррик “Манчестер Юнайтед” клуби шарафини 2006 йилдан буён ҳимоя қилиб келмоқда.
Фикрлар