Мхитарян "Арсенал"га ўтгач МЮ ҳақида нималар деди?

Кеча “Манчестер Юнайтед” клубидан “Арсенал”га кўчиб ўтган Генрих Мхитарян собиқ жамоаси ҳақида ўз фикрларини билдириб ўтди.

“Мен “Манчестер Юнайтед” клуби футболчилари ва раҳбариятига чин юракдан миннатдорчилик билдираман. Айниқса, клуб мухлисларининг менга бўлган севгиси, эҳтирослари ва кўмаги учун катта раҳмат.

Бундан ташқари, ушбу клуб билан Европа лигасида эришилган тарихий ғалабага ҳисса қўшганим мен учун шараф. Мен ўша пайтни ва ўша учрашувни ҳеч қачон унутмайман. Шунингдек мен “чаён” услубида киритган голимни ҳам бутун умр эслаб қоламан.

Мен бундай ажойиб хотираларлан яна кўплаб мисол келтиришим мумкин. Мен буларнинг барчасини эслаб роҳатланаман.

Буларнинг ҳамммаси учун барчангизга раҳмат айтаман ва барчангизга омад тилаб қоламан. Ҳаёт давом этади”, - дейди арманистонлик футболчи.