МЮ 17 ёшли ҳимоячи учун 25 млн фунт таклиф этди

Лондоннинг “Фулхем” клуби чап қанот ҳимоячиси  Райан Сессеньон Англиянинг “Манчестер Юнайтед” клуби қизиқишлари доирасида бўлиб турибди.

The Guardian хабарига кўра, манкунианлар 17 ёшли футболчи учун 25 млн фунт таклиф этишди.

Хабарда айтилишича, МЮ устози Жозе Моуриньо Люк Шоуни трансферга қўйиб, ўрнига ёш футболчини олиб келмоқчи.

U-19 Евро-2017 да Сессеньон 3 та гол киритиб, мусобақанинг энг яхши тўпурарларидан бири бўлган эди.

Унга ўша турнирдан сўнг “Реал”, “Манчестер Юнайтед” ва “Тоттенхэм”дан таклифлар бўлган эди.

Жумладан, лондонликлар 17 ёшли футболчи учун 20 млн таклиф этишан эди. Бироқ “Фулхэм” унинг учун 30 млн фунтдан кўп маблағ берилишини талаб қилмоқда.