Наингголан фаолиятини Индонезияда давом эттиради

Расман Рожан Наингголан фаолиятини Индонезия чемпионатининг "Бхаянгкара" клубида давом эттирадиган бўлди. Бу ҳақда жамоа расмий саҳифаси орқали маълум қилди. 

Бельгиялик ярим ҳимоячи бизга "Рома"даги ўйинлари орқали таниш. Шунингдек, футболчи "Интер", "Кальяри" ва "Антверпен" каби жамоаларда тўп тепган. У сўнгги марта "Спал"да ҳаракат қилди ва ёзги трансферлар ойнасида эркин агентга айланди. 

Эслатиб ўтамиз, "Бхаянгкара" чемпионат турнир жадвалида сўнгги 18-ўринни эгаллаб турибди.