"Наполи" ҳимоячиси Россияга кетиши мумкин

Италиянинг "Наполи" клуби ҳимоячиси Никола Максимович катта эҳтимол билан жорий трансферлар даврида жамоасини ўзгартиради.

Gazzamercato нашри тарқатган хабарга қараганда 26 ёшли сербиялик футболчига Москванинг "Спартак" клуби жиддий қизиқиш билдирмоқда. Маълумотларга кўра Россиянинг амалдаги чемпиони бугун бу борада неаполликларга расмий таклиф юборади. "Спартак" Максимовични кейинчалик 15 млн евро эвазига сотиб олиш ҳуқуқи билан ижарага олмоқчи.

Маълумот учун, Максимович жорий мавсум А Серияда бор йўғи 2та учрашувда иштирок этган ҳолос.