Неймар эртароқ сафга қайтишга мажбур бўлиши мумкин

Бразилия терма жамоаси футболчиси Неймар қачон майдонга қайтиши аниқ бўлди. 

Ҳужумчи биринчи тур доирасида Сербияга қарши баҳсда жароҳат олиб, 79-дақиқада захирага олинганди. 

UOL хабарига кўра, Бразилия терма жамоаси ҳотиржам. Неймар аллақачон нормал юра бошлаган, тўпиғининг шиши пасайган. Терма шифокорлари футболчининг тикланиши учун имкон қадар кўпроқ вақт бериш ниятиди, бироқ унинг сафга қайтиши Бразилиянинг натижаларига боғлиқ. 

Неймар иккинчи турдан ўрин олган Швейцарияга қарши баҳсда иштирок этмайди. Агар "пентакампеон"лар ижобий натижага эриша олмаса, ҳужумчи учинчи турда Камерунга қарши ўйнаши мумкин. Бундай ҳолатда, у оғриқни камайтириш ва жароҳатни қайталаниши хавфини пасамайтириш учун қўшимча муолажа олади.