Неймар Европада тўп сураётган энг яхши бразилиялик футболчи деб топилди

Франциянинг ПСЖ клуби ҳужумчиси Неймар Европада тўп сураётган энг зўр бразилиялик футболчига бериладиган “Олтин самба” совринига лойиқ кўрилди.

Айтиш лозимки, 25 ёшли футболчи ушбу совринни фаолияти давомида учинчи марта (2014, 2015, 2017) қўлга киритди. Мухлислар, собиқ футболчилар ва журналистлар иштирок этган сўровномада Неймар 27,71% овоз билан ғолибликни қўлга киритди.

Неймардан кейинги ўринларни Филиппе Коутиньо («Ливерпуль», 16,64%), Марсело («Реал», 14,43%), Паулиньо («Барселона», 13,64%) ҳамда Карлос Касемиролар («Реал», 7,19%) эгаллашди.