Оладиган борми? МЮ Рэшфорд учун нарх белгилади
"Манчестер Юнайтед" Маркус Рэшфорд учун нарх белгилади.
"ESPN" хабарига кўра, "қизил иблислар" ёзда инглиз футболчиси учун ҳозирча таклиф олмаган.
Жорий молиявий ҳолатдан келиб чиққан ҳолда, жамоа Маркус Рэшфорд учун 70 миллион фунт стерлинглик таклифни кўриб чиқади. Бироқ "қизил иблислар" бу суммани тўлашга тайёр бўлган клубдан умид қилмаяпти.
Манба берган маълумотга кўра, манкуниаликлар фақатгина ПСЖ бу талабни бажара олишига кўзи етяпти. Парижликлар аввалроқ инглиз футболчисига қизиққан, аммо айни дам улар "Реал"га йўл олиши кутилаётган Мбаппе ўрнига Маркусни устувор вариант деб билмайди.
Фикрлар