Омонжон Тўхтамирзаев: "SPORTS.uz Cup"да исталган рақиб билан ўйнашга тайёрмиз"

Хабарингиз бор, 17-18 ноябрь кунлари SPORTS.uz сайти томонидан спортга ихтисослашган ОАВ вакиллари ўртасида футзал бўйича “SPORTS.uz Cup” мусобақаси ўтказилади.

Бугун қуръа ташлаш маросими бўлиб ўтди. Жараён сўнгида жамоа етакчиларининг фикрлари билан қизиқдик.

"Қуръа биз учун омадли ўтди. Қуръа жараёнида ҳам сўрашганди, бизга рақибнинг ким экани аҳамиятсиз. Исталган рақиб билан ўйнашга тайёрмиз. 

Сабаби, чемпионликни мақсад қилган жамоа қайси босқичда бўлишидан қатъи назар у ёки бу жамоа билан тўқнаш келади. Шундай экан, биз жангга тайёрмиз! Мақсад - чемпионлик. 

- Гуруҳдаги бошқа жамоаларнинг имкониятини қандай баҳолайсиз? 

- Гуруҳда биринчи ўринни олишни мақсад қилганмиз. Мусобақа миқёсида оладиган бўлсак, менимча, "Спорт" телеканали ғолиблик учун ягона қаршилик қиладиган жамоа. Бироқ биз уларни ҳам енгишимизга ишонамиз".

Омонжон Тўхтамирзаев, "Championat.Asia" сайти журналисти.