Пеп Гвардиола: “Ман Сити”да идеал бўлиш мақсади йўқ
“Манчестер Сити” жамоаси бош мураббийи Пеп Гвардиола “Борнмут”га қарши (4:0) АПЛ 19-тур ўйинидан кейин ўз фикрларини билдириб ўтди.
“Учрашув осон кечмади, чунки рақиб 5 ҳимоячи билан ўйнади. Бўшлиқни топиш қийин бўлди, аммо биринчи гол уришимизда омад кулиб боқди. Бундай ўйинга руҳий жиҳатдан тайёр эдик.
Футболда шахсий ёки жамоавий томондан юксалиш мумкин. Шу сабабли, бизда идеал бўлиш мақсади йўқ. Дунёда ҳеч ким идеал бўла олмайди.
Агуэро “Этихад”да 100 та гол урди? У ўзгача футболчи, афсона. Серхио гол урганида ва ўзини кўрсата олганида қувонаман. Майдонга тушмайдиганлар хафа бўлади, аммо бизда ҳамма ўйнашга ҳақли”, – деди испаниялик мутахассис.
Фикрлар