PFL чемпиони Фрэнсис Нганну билан жанг қилмоқчи

Оғир вазн(120,2 кг) тоифасида PFL чемпиони Ренан Ферейра - ҳам ММА да, ҳам боксда Фрэнсис Нганну билан жанг қилмоқчи.

"Фрэнсис PFL билан шартнома имзолагандан бериб ҳамма бу жангни кўришни истайди. Мен ҳам бу жанг иккимиз учун фойдали бўлишига ишонаман. Менга фарқи йўқ: боксда ҳам, ММА да ҳам курашавераман. Бу балки ҳаётим давомидаги энг катта синов бўлар...Лекин мен Нганнуни нокаутга учратишимга аминман," - деди Ренан Sherdog.com сайтига берган интервьюсида.

Эслатиб ўтамиз, Феррейра Bellator ва PFL қўшма турнирида Bellator чемпиони Райян Бейдерни 14 сонияда нокаутга учратганди.