Погба "Спортинг"га қарши баҳсда жамоасига ёрдам бера олади

Туриннинг "Ювентус" клуби ярим ҳимоячиси Поль Погба майдонга тушишга тайёр. "Кекса сенёра" матбуот хизмати хабарига кўра, франциялик футболчи Европа лигаси 1/4 финал доирасидаги Лиссабоннинг "Спортинг" жамоасига қарши бўлиб ўтадиган учрашувнинг қайдномасига киритилган.

Катта эҳтимол билан Погба ўйинни захира ўриндиғида бошлайди. Бироқ майдонга захирадан тушиши мумкин. Поль жароҳати туфайли ушбу мавсумнинг ярмини ўтказиб юборди. У бу мавсум А Серияда атиги икки ўйин ўтказди.  

Эслатиб ўтамиз, "Ювентус"нинг "Спортинг"га қарши ўйини бугун тунда, Тошкент вақти билан 00:00да старт олади.