Португалияликлар уларда Мессидан зўр тўпурар бор эканлигини таъкидлашмоқда, қизиғи у Роналду эмас

Каталониянинг “Барселона” клуби ҳужумчиси Лионель Месси ўтган ҳафта афсонавий тўпурар – Герд Мюллернинг бир жамоада кўп гол киритиш бўйича рекордини қулатган эди.

Бироқ португалиялик журналистлар уларда Мессидан ҳам кучли тўпурар бўлганлигини эътироф этишмоқда.

Уларнинг таъкидлашича, 1937-1950 йилларда “Спортинг” клуби сафида Фернанду Пейротеу исмли ҳужумчи бўлган ва у ҳозирга қадар Португалия чемпионати тарихидаги энг яхши тўпурар саналади.

Playmarket Stats маълумотига кўра, Пейротеу лиссабонликлар сафида 325 баҳсда 526 бор гол киритишга эришган.

Қайд этиш жоиз, Мессига бунча гол киритиш учун 608 та ўйин керак бўлди.

Фернанду фаолияти давомида 151 та дубль, 68 та хет-трик, 33 та покер қайд этган. Яна 18 баҳсда эса 4 тадан кўп гол киритишга эришган.