ПСЖ Конте билан ҳам музокаралар олиб бормоқда

Лондоннинг “Челси” клуби бош мураббийи Антонио Конте Англия премьер-лигасидан Франция чемпионатига кўчиб ўтиши мумкин.

L'Equipe тарқатган хабарга кўра ПСЖ 48 ёшли италиялик мутахассиснинг хизматларига қизиқиш билдирмоқда. Таъкидлаш керакки, Париж клуби вакиллари аллақачон Конте билан алоқага чиқишган ва ўзаро музокараларни бошлаб юборишган.

Эслатиб ўтамиз, бундан аввалроқ ПСЖ бошқа бир италиялик мутахассис Карло Анчелотти ҳамда “Арсенал” устози Арсен Венгерлар билан ҳам алоқага чиққани ҳақида хабарлар тарқалган эди. Жамоанинг амалдаги бош мураббийи Унаи Эмери эса катта эҳтимол билан ёзда ўз лавозимини тарк этади.