ПСЖнинг финалга чиқиши Мбаппенинг "Реал"га трансферини кечиктириши мумкин

ПСЖ ҳужумчи Килиан Мбаппе жорий мавсум сўнгида "Реал"га ўтиши кутилмоқда. Франциялик футболчи аллақачон бир қарорга келган, аммо трансфер қачон расман эълон қилиниши ҳозирча аниқ эмас.

"AS" нашри хабарига кўра, трансфернинг эълон қилиниши ПСЖнинг Чемпионлар лигасидаги натижаларига боғлиқ бўлади. Агар жамоа турнир финалига чиқса, эълон ёзгача қолдирилади. Энрике шогирдлари Германияда бўлиб ўтган дастлабки баҳсда "Боруссия"га минимал ҳисобда мағлуб бўлган эди. Жавоб беллашуви 8 май куни соат 00:00да "Парк Де Пренс"да старт олади. 

Маълумот учун, Килиан Мбаппе "Реал"га эркин агент сифатида кўчиб ўтади, чунки унинг Париждаги шартномаси ёзда тугайди. Франциялик форвард 2017/2018 йил Монако"дан трансфер қилинганидан буён ПСЖда ўйнамоқда.  25 ёшли футболчи жорий мавсумда барча мусобақаларда 45 та ўйинда майдонга тушиб, 43 та гол урди ва 10 та голга ассистентлик қилди.