Пхёнчхан-2018: Асли қозоғистонлик биатлончи қиз Беларусь термаси билан Олимпиада чемпиони бўлди

Бугун Пхёнчхан Олимпиадасининг навбатдаги кун беллашувлари ўз якунига етиб бормоқда. Куннинг энг қизиқарли баҳси биатлон бўйича аёллар ўртасидаги эстафета пойгаси бўлиши кутилаётган эди. Якунда шундай ҳам бўлди. 

Дарья Домрачева бошчилигидаги Беларусь терма жамоаси кутилмаганда ушбу йўналишда Олимпиада чемпионлигини қўлга киритди. Ушбу терма жамоа сафида, шунингдек, тажрибали бўлган Надежда Скардино, Ирина Крюко ва 1996 йили Қозоғистонда туғилиб, кейинчалик Беларусга кўчиб кетган Динара Алимбекава ҳам бор.

Кумуш медаль Швеция терма жамоасига насиб этган бўлса, французлар маррага учинчи бўлиб келишди. Ғолибликка асосий даъвогар саналган Германия терма жамоаси эса бор йўғи саккизинчи натижани қайд этди. 

Биатлон. Аёллар, эстафета. 

1. Беларусь

2. Швеция

3. Франция