Қобилбек Тўлабоев илк ғалабасини нишонлади
Таиланднинг Бангкок шаҳрида профессиональ боксчилар ўртасида ўтказилган турнирда 23 ёшли спортчимиз Қобилбек Тўлабоев мезбонлар шарафини ҳимоя қилган Путтипхон Ракунга қарши жанг ўтказди.
Енгил вазн тоифасидаги чарм қўлқоп усталари беллашувида Қобилбек тажрибали рақибига қарши муносиб иштирок этди. Жангда боксчимиз рақибига қатор зарбалар йўллади ва уни техник нокаутга учратиб, ўзининг илк ғалабасини қўлга киритди.
Бунга қадар Қобилбек Тўлабоев профессиональ боксда икки маротаба жанг ўтказган ҳамда уларда имкониятни бой бериб қўйган эди.
Фикрлар