"Қўқон-1912" бугун "Машъал"га қарши баҳслашади

Тошкент шаҳрида 2018 йилги мавсумга тайёргарликни давом эттираётган “Қўқон-1912” футболчилари бугун дастлабки назорат учрашувини ўтказишади. 

Клуб матбуот хизматининг хабар беришича, иккинчи йиғин доирасидаги биринчи назорат учрашуви Муборакнинг “Машъал” жамоасига қарши бўлиб ўтади.

Ушбу учрашув бугун, 8 январь куни соат 13:30да “Пахтакор” академиясига қарашли майдонда бўлиб ўтади.

Бундан ташқари "Қўқон-1912" 14 январь куни "Навбаҳор", 23 январь куни эса "Бухоро"  жамоаларига қарши ўйинлар ўтказилади. Шунингдек, 18 январь кунига ҳам битта учрашув белгиланган бўлиб, бу борада рақиблар билан музокаралар олиб борилмоқда.