Ракитич: Вальверде мени қайси позицияга қўйса ҳам ўйнайвераман

Каталониянинг “Барселона” клуби ярим ҳимоячиси Иван Ракитич кеча Ла Лиганинг 24-тури доирасида бўлиб ўтган “Эйбар”га (2:0) қарши баҳсдан сўнг ўз фикрларини билдириб ўтди.

“Биз “Барселона”ни мусобақада яққол пешқадамлик қилишини таъминлайдиган муҳим уч очкони қўлга киритдик.

Вальверде мени қайси позицияга қўйса ҳам ўйнайвераман. Муҳими жамоага ёрдамим тегаётгани”, - дейди хорватиялик футболчи.

Маълумот учун, Ракитич жорий мавсум Ла Лигада жами 23та учрашувда иштирок этган ва ўз ҳисобига 1та гол ҳамда 4та голли узатма ёздириб қўйишга эришган.